Dagana 24. – 30. maí nk. mun Kvikmyndaskóli Íslands hreiðra um sig á menningarsetrinu Eiðum. Þar munu hópur útskriftarnema ásamt kennurum bjóða Austfirðingum á öllum aldri upp á ókeypis námskeið í fjöldamörgum greinum er snúa að kvikmyndagerð og jafnframt kynna skólann. Sett verður upp fullkomið stúdíó á Eiðum með 12 tölvum og öllum græjum sem til þarf. Einnig mun hópurinn vinna að mynd um ferðina og sýna útskriftarverkefni sín.

Þetta er í fyrsta skipti sem Kvikmyndaskóli Íslands kemur til Austurlands og er þessi heimsókn að frumkvæði Menningarmiðstöðvar Fljótsdalshéraðs – miðstöðvar sviðslista á Austurlandi í gegnum vaxtarsamningsverkefni miðstöðvarinnar - Cinema Maximus. Tilgangur dvalarinnar er að kynna kvikmyndaskólann fyrir Austfirðingum og jafnframt efla þekkingu kvikmyndagerðarlistarinnar í fjórðungnum.

Böðvar Bjarki Pétursson er stofnandi Kvikmyndaskóla Íslands. Hann er kvikmyndagerðarmaður og ötull talsmaður kvikmyndagerðarnáms á Íslandi. Þessa dagana vinnur skólinn að því að verða viðurkenndur á háskólastigi en hann er núna viðurkenndur á framhaldsskólastigi. Nemendur hans geta valið um ólíkar námsleiðir sem eru 120 eininga brautir og lýkur með diploma í viðkomandi grein.

Hér fylgir með saga Kvikmyndaskóla Íslands en þetta frumkvöðla- og hugsjónastarf Böðvars Bjarka er virkilega aðdáunarvert og sýnir berlega kraftinn á bak við þennan glæsilega skóla sem staðsettur er í sérhönnuðu húsnæði að Víkurhvarfi 1 í Kópavogi.

Heimasíða skólans er: http://www.kvikmyndaskoli.is

Heimasíða MMF er: http://mmf.egilsstadir.is

Kvikmyndaskóla Íslands og Eiða ehf. Tengiliður er Ingunn Þráinsdóttir, Þetta netfang er varið fyrir ruslrafpósti, þú þarft að hafa Javascript virkt til að skoða það eða s. 899 5715.