Þekkingarþing á vegum Fljótsdalshéraðs verður haldið fimmtudaginn 10. maí. Þingið er liður í því að þróa áfram þekkingarsamfélag á Héraði. Það er von skipuleggjenda þingsins að það verði vel sótt af íbúum sveitarfélagsins.

LUMAR ÞÚ Á VIÐSKIPTAHUGMYND?
Atvinnuþróunarsjóður Austurlands veitir völdum frumkvöðlum – starfandi fyrirtækjum sem og einstaklingum – styrki til að móta viðskiptahugmyndir sínar (og eða einstaka þætti þeirra) og gera þær hæfar til frekari vinnslu/fjármögnunar.

Kynningarfundur um áætlun og umhverfismat vegna hugsanlegrar olíuleitar á Drekasvæði við Jan Mayen hrygginn fimmtudaginn 3. maí, kl. 15.00-17.30 á Hótel Héraði, Miðvangi 5, Egilsstöðum

- “Falin tækifæri Vopnafjarðar” -
Vopnafjarðarhreppur í samvinnu við Menningarráð Austurlands og Markaðsstofu Austurlands boðar til ráðstefnu í félagsheimilinu Miklagarði miðvikudaginn 25. apríl n. k. og hefst hún kl. 14:00.

Markmið ráðstefnunnar er að upplýsa Vopnfirðinga um hvað aðrir eru að gera og ekki síður að sýna fram á hvað þeir geta gert á sviði menningar- og ferðamála.  Almenn þátttaka í ráðstefnunni er því einkar mikilvæg og þess vænst að Vopnfirðingar og nágrannar fjölmenni til fundar.

Markaðsstofa Austurlands hélt aðalfund sinn laugardaginn 14. apríl á Fáskrúðsfirði. Við það tækifæri voru afhentar viðurkenningarnar Frumkvöðull í ferðaþjónustu og Kletturinn. Var þetta í sjöunda sinn sem Markaðsstofan útnefnir frumkvöðul fyrir að sýna áræðni og hugmyndaauðgi við uppbyggingu á ferðaþjónustu og í þriðja sinn sem Kletturinn er veittur aðila sem um árabil hefur staðið í framlínu ferðaþjónustu á Austurlandi.