Viltu verða orkubóndi og framleiða þína eigin orku? Allir geta orðið orkubændur!

Orkubóndinn er fyrir áhugafólk um virkjun orku, einstaklinga, fyrirtæki, landeigendur og bændur sem hafa hug á að beisla orkuna heima fyrir.

Samgöngu- og sveitarstjórnarráðherra, Samband íslenskara sveitarfélaga og Samband sveitarfélaga á Austurlandi boða til sameiginlegs kynningarfundar um nýjar leiðir til að efla sveitarstjórnarstigið, á Egilsstöðum mánudaginn 14. desember.

Fundurinn er haldinn í kjölfar þess að nýlega undirrituðu samgöngu- og sveitarstjórnarráðherra og formaður Sambands íslenskra sveitarfélaga yfirlýsingu um að skipa samstarfsnefnd til að ræða og meta sameiningarkosti sveitarfélaga í hverjum landshluta. Nefndin skal kynna sér stöðu mála í einstökum landshlutum og viðhorf sveitarstjórnarmanna og almennings til sameiningar. Að því loknu skal hún leggja fram drög um sameiningarkosti í hverjum landshluta og verði þau lögð fyrir landsþing Sambands íslenskra sveitarfélaga árið 2010 til umræðu og álits. Að því loknu mun ráðherra leggja fyrir Alþingi áætlun um sameiningar sveitarfélaga til ársins 2014 sem byggist á umræðum og áliti landsþingsins.

Rural Transport Solutions/ Samgöngulausnir í dreifbýli
Þróunarfélag Austurlands er þátttakandi í NPP verkefni um almenningssamgöngur á Austurlandi (Fjarðabyggð). Styrkur til verkefnisins fékkst til þriggja ára. Markmiðið er m.a. að finna hagkvæmari leiðir í almenningssamgöngum á dreifbýlum svæðum, kanna nýjar leiðir/lausnir og efla þekkingu almennings á mikilvægi almenningssamgangna. Samstarfsaðilar í verkefninu eru frá Finnlandi, Svíþjóð, Skotlandi og Hjaltlandseyjum. Innlendir samstarfsaðilar eru sveitarfélagið Fjarðabyggð og Vegagerðin. Gert er ráð fyrir að eitt stöðugildi á ári tilheyri verkefninu af hálfu ÞFA.

Býrð þú yfir viðskiptahugmynd sem getur leitt til nýsköpunar á Norðausturlandi? Þá er verkefnið Norðursprotar fyrir þig.

Norðursprotar er fjármagnað af samfélagssjóði Alcoa og unnið í samstarfi Alcoa, Háskólans á Akureyri og Impru á Nýsköpunarmiðstöð.

Markmið Norðursprota er að styðja við nýsköpunarhugmyndir einstaklinga á Norðausturlandi, þ.e.a.s. á svæðinu frá Djúpavogi til og með Eyjafjarðar.  Styrkir eru veittir til gerðar viðskiptaáætlunar, eða til frekari  þróunar viðskiptaáætlunar, fyrir verkefni sem telja má nýsköpun á Norðausturlandi. Stuðningur við einstaklinga getur numið allt að 400 þús. kr.  Verkefnið er hægt að vinna í samstarfi við starfandi fyrirtæki á Norðausturlandi.

Umsóknafrestur er til 20 desember

Ferðamálastofa auglýsir styrki til úrbóta í umhverfismálum fyrir árið 2010. Sérstök áhersla verður lögð á verkefni tengd sjálfbærri ferðaþjónustu fyrir alla sem hafa heildrænt skipulag og langtímamarkmið að leiðarljósi.